معلش مش شايفين
لأ
ماتفهموش غلط
احنا
مش عاميين
ولا
مكفوفين
احنا
يدوب
مش شايفين انتوا بس مين
الاااا انتوا ياعاليين
مننا
ولاااا ناس
تانيين
والدار اللى
بتلمنا
دى دارنا
ولا دار ناس
تانيين
اصل احنا يدوب عايشين
متغممين مكممين
ولاااا انتوا مش حاسين
الايد ممدوده والبطن والراس
يعينى عليهم
فاضيين
ومش لأيين
لا للقمه حلوه شريفه
ولا كلمه ظريفه لطيفه
والمصريين يعينى
فاضيين فارغيين
لا لقمه بتسد جوعهم
ولا كلمه بتملى اللى فوق
الجبين
الاااا انتوا ياللى ماسكين
فى الكرسى ومتبتين
انتوا مننا ولاااا ناس تانيين؟
والناس اللى عايشه وسطنا
وع القهاوى والشوارع قاعدين
دول بردوا مننا ؟
ولا ناس تانيين
الااااا انتوا مين قوللنا
اصل احنا مش شايفين
لأ متفهموش غلط
احنا مش مكفوفين
احنا يدوب حلمنا
لقمه ودار تلمنا
وجوز جينهات مضروبين
فى الفيين
وتصارحونا وتفكوا الغمامه
وماتسيبوناش مكممين
هناك 22 تعليقًا:
يوسف بك الشافعى
اجمل تكريم لى ان تجعل مدونتى من بين ماتفضل من المدونات وحافذا لى ان اتقن قدر استطاعتى حتى لا افقد صديقا مثلك ، وربى ينور بصيرتى وبصيرتك ، ونشيل الكمامة والعماة ونعرف احنا فين ، الدويقة بس ، واللى ماتو في السفينة معرفش كام ، واللى راحو يدورو على لقمة لما الجوع قرص ، لكن غرق وشاف حلم اللى اتسرق
ارجو التكرم بمعاودة الزيارة لمدونتى
ولا تحرمنى من النقد والتوجيه ، وقراة بقية الموضوعات
مع خالص شكرى وامتنانى
بصراحة
جيت على الجرح زى ما بيقولوا
ضغطت على الالم !!
كلمات تعبر عن حالنا
والجاى اصعب
تحياتى لك
على فكرة تصفحت مدونتك ما شاء الله
مدونة جميلة وقوية
بالتوفيق يارب
كل عام وانت بخير
عزيزى بيرم المصرى
نورت وشرفت وزادنى شرف تعليقك وقراءتك لمدونتى ومابها من باقى المواضيع
مادمت وضعت مدونتك لدى فمعنى ذلك انى سأكون من الزائرين الدائمين والمقومين لطريقك مع انه يبدو انك تعرف طريقك لانك ذا طابع مميز فى شعرك
نهر الحب
اهلا وسهلا بيكى
شكرا على الزياره
على فكره انا ماردتش الرد ده عليكى الا بعد اريت ليكى انتى انسانه حساسه اوى ومدوناتك كتيره اوى بس فيها خير كتير اوى
تحياتى وشرفتى
اولا سعيده انى عرفت حضرتك واسفه على اسلوبى اللى اول مره اطلع عنه بس اللى بيحصل ليه كتير على اي انسان
واشكرك على وضع البانر بتاع الحمله عندك وهي مستمره وان شاء الله فيه لسه ناس لتتلرع وتبعت لينا وهروح تانى يوم الخميس مع التبرعات اللى هاتيجي لابو الريش
اما عن مدونتك فبجد سعيده بيها اوي وبكلامها تقبل تحياتى ومروري وكل سنه وحضرتك طيب
appyplannet
تحياتى وتقديرى
وارجو ان تستمرى فى طريقك ولاتهتمى بمحاولات الاخرين لافساد ارائك فهناك اناس جل همهم ان ينالو من النجاح
استمرى وافضل رد على امثال هؤلاء التجاهل
شكرا لمرورك واتمنى ان ننهل اكثر واكثر من معين فكرك الغزير
الأخ الفاضل: يوسف الشافعى
السلام عليكم ورحمة الله وبركاته
تجولت بمدونتك التى كان كل ركن بها وكل كلمة وسطر وحرف تنطق بروح صاحبها الشفافة النقية العاشقة لتراب مصر والمحبة للخير من أجل كل أولاد بلده
تقبل منى كل تقديرى واحترامى
بارك الله فيك وأعزك
أخوك
محمد
ممممممممممممممممم
موضوع جامد وبيتك علي الجرح
كل سنه وانت طيب
سعدت باول زياره لي هونا
الاستاذ محمد الجرايحى - نبض قلم
تحيه طيبه سعدت بزيارتك وتعليقك الذى اخجل تواضعنا لقد تجولت انا الاخر بمدونتك واسعتنى جدا واسعدنى فيض قلمك ونبضه
تحياتى وتقديرى
وبعد اذنك سأضع رابط مدونتك لدى
جيارا
مرورك مريح ورقيق نورتينا
وارجو التواصل
مررت بمدونتك وحاولت القراءه ولكن للاسف لم يعجبنى طرحك لافكارك باللهجه العاميه اعتقد انك لو طرحتى افكارك بجديه وباللغه العربيه او باللهجه العاميه وبجد جاد لكان افضل فلديك الافكار ومادمتى تكتبين خواطرك فلا تجلى رغدك فى العيش يطغى على كتاباتك
تحياتى وتقديرى لمرورك وارجو الا تغضبى منى ولا تعتبرى ماقلته استهزاء بكى
ولكنى ارى انكى خامه نظيفه غير ملوثه والمجتمع فى اشد الحاجه لافكارك الطازه البريئه
طبعا الخلاف فى الراى لايفسد الود
اتمنى التواصل والمتابعه
انا لن اضع رابط مدونتك لدى الا عندما اشعر وتشعرين معى بانك جاده ولكنى ساحتفظ بها فى الفافوريتس لكى اتابعك
بـــــــــــــاى
جيارا
-----
في البدايه اسمي كيارا مش جيارا
------
مرورك مريح ورقيق نورتينا
وارجو التواصل
-----
ان شاء الله
-----
مررت بمدونتك وحاولت القراءه ولكن للاسف لم يعجبنى طرحك لافكارك باللهجه العاميه
------
اولا انا بعمل بوستات باللغه العربيه وباللغه العاميه
اللي باللغه العربيه هتلاقي عندك بوست قلبي يدمع دما
http://nimo2007.blogspot.com/2008/09/blog-post_08.html
وعندك اسعداء بالخوض في شرف اخواتكم لغه عربيه ايضا
http://nimo2007.blogspot.com/2008/09/blog-post_05.html
ده علي سبيل المثال طبعا
--------
اعتقد انك لو طرحتى افكارك بجديه وباللغه العربيه او باللهجه العاميه وبجد جاد لكان افضل
-----
دي وجهه نظر حضرتك وانا بحترمها بس انا دايما بكتب اللي بيرحيني انا واللي بحسه لو حسه الموضوع لغه عربيه بكتبه لغه عربيه ولو حساه انه يتكتب بالشكل العامي بعمل بده المهم اكون مرتاحه في كتابتي وفكرتي توصل ومش يبقي فيها اي تصنع
انا مش قليله برده انا خريجه اداب قسم تاريخ وبعمل ابحاث باللغه العربيه وكمان بكمل دراسات عليا
------
فلديك الافكار ومادمتى تكتبين خواطرك فلا تجلى رغدك فى العيش يطغى على كتاباتك
تحياتى وتقديرى لمرورك وارجو الا تغضبى منى ولا تعتبرى ماقلته استهزاء بكى
-------
ابدا انا بحترم النقد دائما ادام نقد بناء وطبعا مقدره ان كلامك حرص عليا وعلي مصلحتي :)
----
ولكنى ارى انكى خامه نظيفه غير ملوثه والمجتمع فى اشد الحاجه لافكارك الطازه البريئه
-----
شكرا جدا لكلام حضرتك
-----
طبعا الخلاف فى الراى لايفسد الود
اتمنى التواصل والمتابعه
انا لن اضع رابط مدونتك لدى الا عندما اشعر وتشعرين معى بانك جاده
------
انا اسفه برده زي ماقلت لحضرتك فوق انا مش بكتب غير اللي بحس بيه لو محتاج لغه عربيه بعمل ده لو عامي بعمل ده
-------
ولكنى ساحتفظ بها فى الفافوريتس لكى اتابعك
--------
ميرسي جدا لحضرتك انك حطيت لينك مدونتي في الفيفورت
تحياتي
كيارا
أ/ يوسف
اوعدك لو لقيت اجابة علي السؤال دة هاقولك عليها علشان انا كمان نفسي اعرف
اسلوب سلس واضح رقيق من القلب
تحياتي
حبيبى الجميل جدا . يوسف بك الشافعى
سعادتى كبيرة لقدرتك بالرد المسجوع ، وهى ملكة وهبه ، ورغم انى لا احب ان اكرر القول ، فسعادتى ان اوضح لك باننى لست حزبيا ولا شاب ثورى ، القضية كلها انى اردت ان اوضح لنفسى وغيرى اننا لسنا عظماء ، مادمنا نقبل الضيم وكلنا امل ان ياتى المخلص ، ( كما قالت اليهود ابعث لنا ملكا ) ، - خلاص انشق بطن الامل – وعلينا ان نعيش الواقع ونسعى للاصلاح ، الامانى والاوهام لاتصنع حياة كريمة ان كنا ابناء الفراعنة ، تمنيت ان تقرا كل الناس اقوالى ، ويدركون ان الحياة الكريمة ليست بالاغانى ، اخى من لايملك خبزه ذليل ، لم يقرا احد قصيدتى ( ابويا الله يرحمه )
شكرا لك على كل شئ ولا تحرمنى الزيارة والنقد المفيد
واضح انهم مننا
ومش ناس تانيين
ان كانوا ظلمونا فاحنا زيهم لاننا سكتنا علي الظلم
ولو السؤال اتقلب لينا خلينا نسال
احنا مين
؟؟؟؟؟؟
تحياتي
وكل سنة وحضرتك طيب
بنت الاسلام
بطوط .... ياليتنا نرضى
انتى يابطوط الرضا فى حد ذاته
انتى وجهك ينم عن الادب الجم والتواضع الرفيع والرضا المملوء بالاطمئنان
وماكتبتيه حقا افة مجتمع اصبح لايرحم تقريبا الماده تغلب حتى على الدين فكل اب وكل بنت وكل شاب الان اغلبهم يعى جيد قول الحبيب صلى الله عليه وسلم
ومع ذلكفالاغلبيه لايرون ولايسألون الا كم يملك اومعه كم الكل اصبح يبحث عن زائل ونسو ان الدنيا والعمر مهما طال فالمآل الى رب سيحاسب ويسأل لما فعلت كذا وكذا لما لم تيسر على نفسك وعلى غيرك...........
وللاسف فى قرانا بدع ليس لها لزوم بالمره
اشياء ليس لها قيمه ولكنها مكلفه ومع ذلك يصرون على ان تكون من ضمن احتياجات البيت او الشقه
الحفله ومصاريفها والبلاستيكيات والنيش ومابه وغرف نوم الاطفال وهم يعلمون انه الاطفال رزق بعلم الغيب والورود ووووووو اشياء تقل الكاهل ومع ذلك لابد من احضارها ولو استغنو عنها لخف الحمل
عزيزتى فى تلك الايام وفى القرى للاسف لابد من تشطيب الشقه تشطيب لوكس وماادراكى من مصاريف التشطيب وكان الله فى عون شبابنا وكان الله فى عون الاجيال القادمه لادرى كيف سنتدبر حالهم مادمنا بعيدين عن سنة رسول الله والقران الكريم
تحياتى موضوعك مهم جدا لابد من حمله لمجابهة الطمع وخاصة فى هذا الموضوع لابد بالرضا والقناعه والبحث اولا عن الخلق والدين
والسلام والتحيه
شرفت جدا بزيارتك
وكنت اتمنى ان اعثر على مدونتك والحمد لله وجدتها حتى انهل من معينها
سوف اقوم بوضع رابط مدونتك لدى بعد ازنك
وومــــــــــن
نورتينا والله مع انى عارف مشغولياتك مرورك طيب متشكريين
تحياتى وتقديرى
استاذي العزيز
يوسف الشافعي
نحمد الله أن هذا الوطن فيه كل الخير بأبنائه الذين لايخشون من قول كلمة حق في هذا الزمن..وهذا لسان حال مدونتك التي إستشعرتها تصرخ بحروفها وكلماتها ومواضيعها وأشعارها
تصفحت المدونة قرأتها شعرت بأنك تكتب بقلمك الرصاص فيصيب به هدفك يصيب به من يحتمون بدروع الجُبن والخسة فين حين أن الشرفاء لايحتمون بشئ فاتحين صدورهم غير عابئين أن يصيبهم مكروه جزاء كلمة حق وللحق أقول يسعدني هذا التواصل مع أبناء عمومتي وخلاني
ستي كانت دياماً تقولي ياواد ياحسن أحسن كلام في الدنيا الكلام اللي طالع من القلب على اللسان دوغري
وهذا ماشعرته هنا في جميع تدويناتك وشعرك العااااامي وسلام ياعمي
وتحياتي
حسن أرابيسك
الله الله الله
حلو اوى بجد
و اسف على تاخيرى عنك
سيدى
عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم
استاذ يوسف كل سنة وحضرتك طيب يشرفني ويسعدني اقدم لحضرتك دعوة ثالث ايام العيد لزيارة مدينة راس البر في نادي الحكمة او الاطباء الساعة 11 صباحا اجتماع عام لمدونين من كافة انحاء الجمهورية يسعدنا ويشرفنا تنوريك لنا بالزيارة
تحياتي
كلمات رقيقة وأسلوب نقد لأزع ، محاكي لللواقع ، وطرح جيد للفكرة
********************
أنتوا مين
لو سالت أي وأحد في الشعب المصري أنت مين معظمهم مش عارف هم مين
لا هم معانا ولا معي الناس التانين
*************
بس يا تري الناس إلي فوق الكراسي بيفهموا الكلام ده والا مطنشين
تقبل مروري
مجنووون
حسن ارابيسك
شكرا لتعليقك والمرور واتمنى التواصل
والحمد لله اننى قلت وشهد غيرى انى لاسكت على رؤية الظلم (عملا بقول رسول الله من راى منكم منكرا)
محمد مارو
الجميل المؤدب جدا
شكرا لك ايها المدرس الشاطر على مرورك نورتنا وياريت متنسناش
بيرم المصرى
كل سنه وانت بالف خير واعاد الله علينا ايامنا كلها بالسلام والامان
بنت الاسلام
باذن الله سالبى الدعوه وشاكر لكى تلك الدعوه
تحياتى وتقديرى
مجنوووون
شكرا على الاطراء واخلتم تواضعنا واين نحن منك ياخى
تحياتى وتقديرى
إرسال تعليق