من عجايب الزمان انك تعيش فى وطن كله خير منهوب من زمان من عجايب الزمان ان الحاكم بأمره كل اللى حواليه حٍد وبوم وغٍربان من عجايب الزمان انك تعيش بيبى سمكه وديعه وسط الحيتان من عجايب الزمان ان الصدق على لسانك وكل اللى يمك خًرس وبوكم وعميان من عجايب الزمان انك تحس انك قوى محمى بالاسود لكن الحقيقه كل اللى بيحموك دووول حٍملان من عجايب الزمان انك تكون غريق وبتموت وتشعر انك فى بر الامان
من عجايب الزمان ان اللى
تحبه يهجرك
وتفضل فاتح بابك وقلبك وتكون له عاشق ولهان
من عجايب الزمان ان الأمل لسه موجود وتقول خلاص انا يأسااااان من عجايب الزمان انك تكون عارف طريقك وتلفك حاله من التوهان من عجايب الزمان انك تكسب كتير وفى النهايه تلاقى نفسك خسران من عجايب الزمان ان يبان عليك الهدوء ومن جواك نار بتكوى وبحر كله غليان من عجايب الزمان انك تكون حزين فرحان فى نفس التوقيت والأن من عجايب الزمان انك تعيش محروم رغم انك عايش فى جنه اوبستان او يكون معاك من المال كتير وتكون على نفسك بخلان من عجايب الزمان انك تكون شارب المر وغصب عنك يبقى احلى من العسل و الرمان من عجايب الزمان انك تشوف الابيض اسود وتلغى كل الألوان من عجايب الزمان انك تبقى فى الربيع وتقول ان الزرع ناشف والورد دبلان من عجايب الزمان انك تدوَرعلى الحب وهومنك يجرى هربان من عجايب الزمان انك تعيش راضى قانع بكل اللى قولته وماتبقاش زهقان
هناك تعليقان (2):
ايوة كده ارفدنه ديما بكتاباتك لانها الوحيده الي بسد عطشنا ,اصل احنه عاملين زي الشجرة لما بتنزرع فحته يبئه من الصعب تقلعه من جذوره حتى لو عطشت وذبلت وقاست من ظرفها حتفظل تستنه رشه مطر ترد روحه.
من عجائب الزمان اننى تركنا الاسلام وتبعنا الضلال من عجائب الزمان ان نصف سكان مصر ليس لهم سيطره ولاحكم على انفسهم فيفعلون ما يفعلون بغض النظر ان كان حرام اوحلال واقول النصف فقط
إرسال تعليق